danista jo ho na sake nadani se ho jata hai

danista jo ho na sake nadani se ho jata hai
aag ka dariya par badi aasani se ho jata hai
had-e-nazar tak ek tanhai khak udati phirti hai
sahra be-bas apni hi virani se ho jata hai
jitni umr sarabon ka pichha karne mein guzarti hai
itna gahra pyas ka rishta pani se ho jata hai
ghar se nikalna bhi mushkil hai ghar mein rahna bhi mushkil hai
kaisa mausam barish ki man-mani se ho jata hai
rone se dil halka to ho jata hai lekin socho
wo nuqsan jo ashkon ki arzani se ho jata hai
jhil ki gahri khamoshi bhi hoti hai mashkuk magar
dariya ruswa maujon ki tughyani se ho jata hai
This is a great gujarati shayari download. True lovers of udasi shayari will love this. Please share if you liked this!!!