dard-e-dil ki unhen KHabar na hui

dard-e-dil ki unhen khabar na hui
koi tadbir kargar na hui
koshishen hum ne kin hazar magar
ishq mein ek mo'tabar na hui
kar chuke hum ko be-gunah shahid
aap ki aankh phir bhi tar na hui
na-rasa aah-e-ashiqan wo kahan
dur un se jo be-asar na hui
aai bujhne ko apni sham-e-hayat
shab-e-gham ki magar sahar na hui
shab the hum garm-e-nala-ha-e-firaq
subh ek aah-e-sard sar na hui
tum se kyunkar wo chhup sake 'hasrat'
nigah-e-shauq parda dar na hui
This is a great shayari shahid jawan in hindi. True lovers of aashiqana shayari will love this. Please share if you liked this!!!