dhup aisi tez dhup garm hai faza bahut
milenge chhanw dhundte barhana-pa khuda bahut

ye rah be-kanar be-panah khizr ki fughan
bahut mili thi zindagi magar mili zara bahut

khizan nasib daur mein bahaar ki tasalliyan
magar wo dil jise hai khar-o-khas ka aasra bahut

unhen khabar karo ki sham-e-hijr aa rahi hai phir
jinhen wafa-e-ahd par ghurur o naz tha bahut

fareb-e-arzu pe aur e'tibar ke liye
uthao jam waqt kam hai waqt ho chuka bahut