dil-girafta hun jahan-shad hun main

dil-girafta hun jahan-shad hun main
ek majmua-e-azdad hun main
tera mera hai guman ka rishta
tu hai meri teri ijad hun main
tujh ko ye gham ki giraftar hai tu
mujh ko ye ranj ke aazad hun main
koi rasta hai na koi manzil
gard hun aur sar-e-baad hun main
tan-e-tanha ka hun apne nasir
khud ko pahunchi hui imdad hun main
sirf main apni kahani hi nahin
sun mujhe teri bhi rudad hun main
meri tamir ka mujh par hai khada
bahut khodi hui buniyaad hun main
This is a great khudi shayari. True lovers of nasir kazmi shayari in english will love this. For some people shayari is the most enjoyable thing in life and they absolutely adore azad shayari. Please share if you liked this!!!