dil hi to hai nigah-e-karam se pighal gaya

dil hi to hai nigah-e-karam se pighal gaya
shikwa labon pe aa ke tabassum mein dhal gaya
pahuncha na tha yaqin ki manzil pe main abhi
mera khayal mujh se bhi aage nikal gaya
khalwat bani hui thi teri anjuman magar
main aa gaya to bazm ka naqsha badal gaya
wan mutmain karam ki diya hai ba-qadr-e-zarf
yan iztirab-e-shauq mein saghar badal gaya
hai chashm-e-iltifat ko fikr-e-shikast-e-dil
shayad harif koi nai chaal chal gaya
pinhan tha laghzishon mein bhi ehsas-e-agahi
main kya sambhal gaya ki zamana sambhal gaya
khira hai bazm-e-yar mein 'nayyar' nigah-e-shauq
shamen jalin ki daman-e-nazzara jal gaya
This is a great darood sharif shayari. True lovers of nadeem nayyar shayari will love this. Shayari is the most beautiful way to express yourself and this dosti jalan shayari is truly a work of art. Please share if you liked this!!!