dil KHun hua hai shoKHi-e-rang-e-hina ke sath

dil khun hua hai shokhi-e-rang-e-hina ke sath
hai mani-e-buland bhi tarz-e-ada ke sath
chatka jo dil to misl-e-gul-e-tar bikhar gaya
khushbu saba ke sath thi naghma sada ke sath
ye haal hai chaman mein ki ab misl-e-barg-e-khushk
aawara ek umr se hain hum hawa ke sath
zulfen udhar khulin idhar aansu umand pade
hain sab ke apne apne rawabit ghata ke sath
tum rang the to khu-e-wafa thi gulon mein the
khushbu bane to ud gae mauj-e-saba ke sath
aahat pe kan rah mein aankhen bichhi hui
hum dur tak chale teri aawaz-e-pa ke sath
sanki hua to shorish-e-zindan bhi badh gai
dil wajd mein hai naghma-e-zanjir-e-pa ke sath
hai intiha-e-shauq bhi be-rahiyo ka bab
hum thodi dur chalte hain har rahnuma ke sath
aakhir ko gard ho ke rahe misl-e-gard-baad
do-chaar hath hum bhi ude the hawa ke sath
'baqar' tumhaara shahr mein zamin banega ganw
kuchh naqd bhi to chahiye jins-e-wafa ke sath
This is a great inteha e ishq shayari. True lovers of urdu shayari ghalib will love this. Shayari is the most beautiful way to express yourself and this rehnuma shayari is truly a work of art. Please share if you liked this!!!