dil ko ujDe hue bite hain zamane kitne

dil ko ujde hue bite hain zamane kitne
kilk-e-taqdir ne lute hain khazane kitne
bhul jata hun magar sach to yahi hai barson
tum se wabasta rahe khwab suhane kitne
dil dukhati hi rahi gardish-e-ayyam magar
hum bhi masruf rahe khud bhi na jaane kitne
ek hum aur ye dushnam-taraazi tauba
apne atraf rahe aaina-khane kitne
ek nazar dekh liya tha kisi gul ki jaanib
nukta-chinon ne tarashe hain fasane kitne
gar nahin wasl to phir baada-o-saghar hi sahi
dil ne dhunde hain dhadakne ke bahane kitne
umr-e-rafta ko jo aawaz kabhi di hum ne
khul gae zakhm kai, bab purane kitne
ghamza-o-ramz mein 'salman' tafawut rakhte
aur aaenge tumhein naz dikhane kitne
This is a great salman shayari image. True lovers of funny baby shayari will love this. Shayari is the most beautiful way to express yourself and this dushman shayari hindi is truly a work of art. Please share if you liked this!!!