dil pe thi sabt jo tahrir miTai na gai

dil pe thi sabt jo tahrir mitai na gai
kis ki taswir thi taswir bhalai na gai
aa ke us ban mein mile phir na kabhi do premi
ghas pagdandiyon se jhil se kai na gai
pyar ki aanch se jal utha kanwal-kant badan
us se surat meri nainon mein chhupai na gai
mujh mein rach bas ke bhi tu mujh se alag khud se alag
tere jiwan ki amit-rup ikai na gai
tute katbon ke siwa mil na saka kuchh bhi magar
is mite shahr ke tilon ki khudai na gai
raat bhar jal pe giren jalte sitaron ki lawen
mujh se chadar koi naddi pe bichai na gai
is ke darshan se mili mujh ko khud apni pahchan
shakl ek ruh talak surat-e-aina gai
Please share if you liked this!!!