dua ne kaam kiya hai yaqin nahin aata

dua ne kaam kiya hai yaqin nahin aata
wo mere pas khada hai yaqin nahin aata
main jis maqam par aa kar ruka hun sham dhale
wahin pe wo bhi ruka hai yaqin nahin aata
wo jis ki aankh mein donon jahan dikhai paden
wo mujh ko dekh raha hai yaqin nahin aata
jise sanam kabhi samjha kabhi khuda jaana
wo aisa hosh-ruba hai yaqin nahin aata
jo soz ban ke samaya tha mere sheron mein
wo saz ban ke utha hai yaqin nahin aata
shagufta chehra aur is par tapan tapan aariz
koi anar chhuta hai yaqin nahin aata
zahe nasib ki lau de uthi hai tariki
sukut bol pada hai yaqin nahin aata
harim-e-naz ko dekho ki aaj pahli bar
dar-e-niyaz khula hai yaqin nahin aata
ye kaise pichhle dinon chup si lag gai thi jise
phir aaj naghma-sara hai yaqin nahin aata
This is a great zahe naseeb shayari. True lovers of holi shayari radha krishna will love this. For some people shayari is the most enjoyable thing in life and they absolutely adore shero shayari in hindi dard bhari. Please share if you liked this!!!