dushman-e-jaan kai qabile hue

dushman-e-jaan kai qabile hue
phir bhi khushbu ke hath pile hue
bad-gumani ke sard mausam mein
meri gudiya ke hath nile hue
jab zamin ki zaban chatakhne lagi
tab kahin barishon ke hile hue
waqt ne khak wo udai hai
shahr aabaad the jo tile hue
jab parindon ki sans rukne lagi
tab hawaon ke kuchh wasile hue
koi barish thi bad-gumani ki
sare kaghaz hi dil ke gile hue
Please share if you liked this!!!