dushman-o-dost ki tadbir se kya hota hai

dushman-o-dost ki tadbir se kya hota hai
wahi hota hai jo manzur-e-khuda hota hai
tuda-e-khak hai insan ka jism-e-khaki
ek jhonke se hawa ki wo hawa hota hai
furqat-e-yar ka jo kuchh ki hai sadma dil par
laiye us ko zaban par to gila hota hai
aashiqon ko na dara hashr ke din se waiz
roz-e-furqat hi unhen roz-e-jaza hota hai
sar-nawishta-e-azali se nahin phir sakta hun
phir jo hota hai mere haq mein baja hota hai
dil jo rahta hai zamane ki kudurat se bari
aaine se bhi zyaada wo safa hota hai
naqd-e-dil deta hun bose ke ewaz mein pyare
jo bhala karta hai us ka bhi bhala hota hai
zor-o-zar jis ko zamane mein mayassar hoe
ishq ka fan use albatta rawa hota hai
sadma jis waqt guzarta hai shab-e-furqat ka
shab wo hoti hai main hota hun khuda hota hai
This is a great azadi shayari rekhta. True lovers of dil tutda shayari will love this. For some people shayari is the most enjoyable thing in life and they absolutely adore joke shayari image. Please share if you liked this!!!