dushmani ki is hawa ko tez hona chahiye

dushmani ki is hawa ko tez hona chahiye
us ki kashti ko sar-e-sahil dubona chahiye
chhin kar sari ummiden mujh se wo kahta hai ab
kisht-e-dil mein aarzu ka bij bona chahiye
is samundar ki kasafat aankh mein chubhne lagi
us ka chehra aur hi pani se dhona chahiye
saunp jaen in darakhton ko nishani nam ki
hum kabhi the agli rut ko ilm hona chahiye
ye bhi koi tuk hui ki kuchh hua to ro pade
shakhsiyat ka rang 'fikri' yun na khona chahiye
This is a great dushmani shayari sms. True lovers of shayari khona pana will love this. Shayari is the most beautiful way to express yourself and this meri shakhsiyat shayari is truly a work of art. Please share if you liked this!!!