gham mein rota hun tere subh kahin sham kahin

gham mein rota hun tere subh kahin sham kahin
chahne wale ko hota bhi hai aaram kahin
wasl ho wasl ilahi ki mujhe tab nahin
dur hun dur mere hijr ke ayyam kahin
lag rahi hain tere aashiq ki jo aankhen chhat se
tuj ko dekha tha magar un ne lab-e-baam kahin
aashiqon ke bhi ladane ki tujhe kya dhab hai
chashm-bazi hai kahin bosa o paigham kahin
yamani ki si tarah lakht-e-jigar par khodun
muj ko malum agar howe tera nam kahin
hijr mein us but-e-kafir ke tadapte hain pade
ahl-e-zunnar kahin sahib-e-islam kahin
aarzu hai mere 'taban' ko bhi ab ai qatil
ki bar aae tere hathon se mera kaam kahin
This is a great islamic shayari pic. True lovers of maaf karna mujhe shayari will love this. For some people shayari is the most enjoyable thing in life and they absolutely adore bhula diya tujhe shayari. Please share if you liked this!!!