ghar mein bechaini ho to agle safar ki sochna

ghar mein bechaini ho to agle safar ki sochna
phir safar nakaam ho jae to ghar ki sochna
hijr mein imkan itne wasl sirf ek waqia
wusat-e-sahra mein kya diwar-o-dar ki sochna
yani ghar aur dasht donon lazim-o-malzum hain
qaeda ye hai idhar rahna udhar ki sochna
is tarah jina ki auron ka bharam qaem rahe
maut bar-haq hai magar us chaara-gar ki sochna
zindagi bhar zinda rahne ki yahi tarkib hai
us taraf jaana nahin bilkul jidhar ki sochna
tum shuja-khawar ho duniya-dar aur main jaan-dar
main to bas aahen bharunga tum asar ki sochna
This is a great eid e shuja shayari. True lovers of qatil aankhen shayari will love this. For some people shayari is the most enjoyable thing in life and they absolutely adore agle janam ki shayari. Please share if you liked this!!!