hadis-e-talKHi-e-ayyam se taklif hoti hai

hadis-e-talkhi-e-ayyam se taklif hoti hai
sahar walon ko zikr-e-sham se taklif hoti hai
wahi kafir ki jis ka nam taskin-e-dil-o-jaan tha
sitam hai ab usi ke nam se taklif hoti hai
maqam aisa bhi aata hai guzargah-e-mohabbat mein
musafir ko jahan aaram se taklif hoti hai
shikast-e-dil ki manzil se agar guzre to kya hoga
abhi tum ko shikast-e-jam se taklif hoti hai
'hafiz' ahl-e-gulistan se hamara haal mat kahna
unhen zikr-e-asir-e-dam se taklif hoti hai
This is a great allah hafiz shayari in urdu. True lovers of kanha par shayari will love this. Please share if you liked this!!!