har ghaDi barse hai baadal mujh mein

har ghadi barse hai baadal mujh mein
kaun hai pyas se pagal mujh mein
tum ne ro-dho ke tasalli kar li
phailta hai abhi kajal mujh mein
main adhura sa hun us ke andar
aur wo shakhs mukammal mujh mein
chup ki diwaron se sar phode hai
jo ek aawaz hai pagal mujh mein
main tujhe sahal bahut lagta hun
tu kabhi chaar qadam chal mujh mein
muzhda aankhon ko ki phir se phuti
ek nae khwab ki konpal mujh mein
katne hain kai ban-bas yahin
ug raha hai jo ye jangal mujh mein
aag mein jalta hun jab jab 'athar'
aur aa jata hai kuchh bal mujh mein
This is a great pagal deewana shayari. True lovers of adhura chand shayari will love this. Shayari is the most beautiful way to express yourself and this bal krishna shayari is truly a work of art. Please share if you liked this!!!