hum har qadam par soch ka ruKH moDte rahe

hum har qadam par soch ka rukh modte rahe
kitne sanam banate rahe todte rahe
halchal jo dil mein thi wo na lafzon mein dhal saki
rishte zaban o dil ke bahut jodte rahe
ubhra kiye shokuk nae dil mein har ghadi
har dam naya shagufa koi chhodte rahe
khud mein the aise dahr se na-ashna rahe
raushan haqiqaton se bhi munh modte rahe
partaw tha ek jamal ka aaya guzar gaya
saya tha jis ke pichhe sada daudte rahe
ab tak junun-e-ishq ki hain sar-bulandiyan
nahaq khirad ke nam pe sar phodte rahe
Please share if you liked this!!!