hum jo diwar pe taswir banane lag jaen titliyan aa ke tere rang churane lag jaen phir na ho makhmali takiye ki zarurat mujh ko tere bazu jo kabhi mere sirhane lag jaen chand taron mein bhi tab nur izafi ho jae chhat pe jab zikr tera yar sunane lag jaen chand sikkon pe tum itrae hue phirte ho hath muflis ke kahin jaise khazane lag jaen kyun na phir shakh shajar phul sabhi murjhaen bhai jab sahn mein diwar uthane lag jaen us ne do lafz mein jo baaten kahin thi mujh se us ko main sochne baithun to zamane lag jaen phir zamane mein na ho koi pareshan 'nadim' tere jaise bhi nikamme jo kamane lag jaen