hum na nikhat hain na gul hain jo mahakte jawen

hum na nikhat hain na gul hain jo mahakte jawen
aag ki tarah jidhar jawen dahakte jawen
ai khusha-mast ki tabut ke aage jis ke
aab-pashi ke badal mai ko chhidakte jawen
jo koi aawe hai nazdik hi baithe hai tere
hum kahan tak tere pahlu se sarakte jawen
ghair ko rah ho ghar mein tere subhan-allah
aur hum dur se dar ko tere takte jawen
waqt ab wo hai ki ek ek 'hasan' ho ke ba-tang
sabr-o-tab o khirad-o-hosh khisakte jawen
This is a great mast shayari sad. True lovers of naseem nikhat shayari lyrics will love this. Please share if you liked this!!!