jahan mein hum jise bhi pyar ke qabil samajhte hain haqiqat mein usi ko zist ka hasil samajhte hain mila karta hai dast-e-ghaib se makhsus bandon ko kisi ke dard ko hum kaenat-e-dil samajhte hain jinhen shauq-e-talab ne quwwat-e-bazu ata ki hai talatum-khez tughyani ko wo sahil samajhte hain sitam aise kiye tamsil jin ki mil nahin sakti magar wo is jafa ko awwalin manzil samajhte hain mohabbat lafz to sada sa hai lekin 'aziz' is ko mata-e-dil samajhte the mata-e-dil samajhte hain