jo aae wo hisab-e-ab-o-dana karne wale the

jo aae wo hisab-e-ab-o-dana karne wale the
gae wo log jo kar-e-zamana karne wale the
udane ke liye kuchh kam nahin hai khak ghar mein bhi
wo mausam hi nahin hain jo diwana karne wale the
meri gum-gashtagi mere liye chhat ban gai warna
ye duniya wale mujh ko be-thikana karne wale the
na dete sare manzar aks hi thode se de dete
hum aawara kahan tazin-e-khana karne wale the
samundar le gaya hum se wo sari sipiyan wapas
jinhen hum jamma kar ke ek khazana karne wale the
'zafar' be-khanaman apne ko khud hi kar liya tum ne
ye kar-e-khair to ahl-e-zamana karne wale the
This is a great bahadur shah zafar shayari in jail. True lovers of jumma shayari will love this. For some people shayari is the most enjoyable thing in life and they absolutely adore love shayari khazana. Please share if you liked this!!!