jo qissa-go ne sunaya wahi suna gaya hai

jo qissa-go ne sunaya wahi suna gaya hai
agar tha is se siwa to nahin kaha gaya hai
musafirat ka hunar hai na wapsi ki khabar
so chal raha hun jidhar bhi ye rasta gaya hai
aman ko nil mayassar na main koi musa
mujhe supurd-e-farain kar diya gaya hai
sabab nahin tha zamin par utarne ka mujhe
sabab baghair hi wapas utha liya gaya hai
ye muntaha hai meri na-rasai ka shayad
jo dur hadd-e-nazar se pare khala gaya hai
mahak uthe hain mere bagh ke khas-o-khashak
koi tahalta hua surat-e-saba gaya hai
This is a great happy birthday aman shayari. True lovers of wapsi shayari in urdu will love this. Please share if you liked this!!!