raqs-e-zamin ko gardish-e-aflak chahiye naqsh-e-qadam ko farsh-e-khas-o-khak chahiye mitti to dast-e-kuza-garan mein hai der se bartan mein dhaalne ke liye chaak chahiye hum aise sada-lauh se kya mangti hai zist is ko harif bhi koi chaalak chahiye kam-fursati ka un ki mujhe bhi lihaz hai ahwal-e-dil ko dida-e-namnak chahiye thahre hue hain ashk hawaon ki aankh mein mausam ko ab ke wahshat-e-bebak chahiye