raushni si kabhi kabhi dil mein

raushni si kabhi kabhi dil mein
manzil-e-be-nishan se aati hai
laut kar nur ki kiran jaise
safar-e-la-makan se aati hai
nau-e-insan hai gosh-bar-awaz
kya khabar kis jahan se aati hai
apni fariyaad bazgasht na ho
ek sada aasman se aati hai
takhta-e-dar hai ki takhta-e-gul
bu-e-khun gulistan se aati hai
dil se aati hai baat lab pe 'hafiz'
baat dil mein kahan se aati hai
This is a great meri awaz shayari. True lovers of subha ki kiran shayari will love this. For some people shayari is the most enjoyable thing in life and they absolutely adore laut ke aana shayari. Please share if you liked this!!!