shoalon ke darmiyan bhi nahin tha mujhe hiras
aur is ke baad kya hua bas kijiye qayas

apna sunahri sal aur apne ru-pahle baal
yani ki ho gai hai meri umr ab pachas

apne lahu ki garmi hi sab kuchh hai dosto
ab jis ke baad kuchh bhi nahin un ya kapas

itni bahut si baaton se wo khush na ho saka
itni zara si baat se wo ho gaya udas

lai dusri bhi chhed magar thodi der baad
main jama karta hun abhi khoe hue hawas

us ek hasin jism ko dekha to yun laga
pahna tha jaise taj-mahal ne bhi ek libas