subh hoti hai to daftar mein badal jata hai ye makan raat ko phir ghar mein badal jata hai ab to har shahr hai ek shahr-e-tilismi ki jahan jo bhi jata hai wo patthar mein badal jata hai ek lamha bhi thaharta nahin lamha koi pesh-e-manzar pas-e-manzar mein badal jata hai naqsh ubharta hai ummidon ka falak par koi aur phir dhund ki chadar mein badal jata hai band ho jata hai kuze mein kabhi dariya bhi aur kabhi qatra samundar mein badal jata hai apne mafhum pe padti nazar jab us ki lafz achanak but-e-shashdar mein badal jata hai