wo nind adhuri thi kya KHwab na-tamam tha kya

wo nind adhuri thi kya khwab na-tamam tha kya
main jis ko soch raha tha khayal-e-kham tha kya
udhar se hi koi guzra jidhar se guzra tu
teri misal koi aur khush-khiram tha kya
milun to kaise milun be-talab kisi se main
jise milun wo kahe mujh se koi kaam tha kya
usi ke sath raha jis ne tujh se nafrat ki
teri nazar mein 'zafar' us ka kuchh maqam tha kya
This is a great adhuri chahat shayari. Please share if you liked this!!!