zauq pe shauq pe miT jaane ko tayyar uTha

zauq pe shauq pe mit jaane ko tayyar utha
ishq ka dard liye phir tera bimar utha
hum ne maikhane mein jaani nahin karni tafriq
jo bhi baitha meri mahfil mein gunahgar utha
wasl-e-mahbub utha rakkhenge kab tak ki phir
aaj farhad hai tesha ka talabgar utha
gum-shuda laila ko kab tak wo chhupa rakkhenge
jab ki diwane ko sauda-e-rukh-e-yar utha
soz-e-'mani' ka zamane mein hai kis ko ehsas
aaj phir dard mere pahlu mein bekar utha