aai to kahin koi qayamat nahin ab ke is shahar mein ek sar bhi salamat nahin ab ke yun khema-e-gul khak hua fasl-e-junun mein phulon pe koi rang-e-malahat nahin ab ke kya jaaniye kis dasht ka paiwand hua hai ek shakhs sar-e-ku-e-malamat nahin ab ke ab tut ke sahra mein bikharne ki hawas hai ek gosha-e-daman pe qanaat nahin ab ke han ab na rahi dar-o-rasan se koi nisbat han pesh-e-nazar wo qad-o-qamat nahin ab ke wo zakhm mile dil ko sar-e-manzil-e-qurbat ek dushman-e-jaan se bhi shikayat nahin ab ke khud us ne kiya faisla-e-tark-e-talluq khud mujh se mere dil ko nadamat nahin ab ke