aaj kis khwab ki tabir nazar aai hai ek chhanakti hui zanjir nazar aai hai main ne jitne bhi sawalon mein use dekha hai zindagi dard ki taswir nazar aai hai khud bhi mit jaun ye duniya bhi mitata jaun bas yahi surat-e-tamir nazar aai hai raat ro ro ke gizari hai charaghon ki tarah tab kahin harf mein tasir nazar aai hai barish-e-hijr ke aane ka hi imkan na ho chashm-e-jaanan mujhe nam-gir nazar aai hai dard ko aankh banaya hai to phir ja ke kahin dil pe likkhi hui tahrir nazar nazar aai hai sham hoti thi suhani pa tere hijr ke baad aaj ye bhi mujhe dil-gir nazar aai hai