aap se aap ayan shahid-e-mani hoga ek din gardish-e-aflak se ye bhi hoga aankhen banwaiye pahle zara ai hazrat-e-qais kya inhin aankhon se nazzara-e-laili hoga shauq mein daman-e-yusuf ke udenge tukde dast-e-gustakh se kya dur hai ye bhi hoga lakhon is husn pe mar jaenge dekha-dekhi koi ghash hoga koi mahw-e-tajalli hoga husn-e-zati bhi chhupae se kahin chhupta hai sat pardon se ayan shahid-e-mani hoga hosh udenge jo zamane ki hawa bigdegi chaar hi din mein khizan gulshan-e-hasti hoga aur umdega dil-e-zar jahan tak chhedo ye bhi kya koi khazana hai ki khali hoga dil dhadakne laga phir subh-e-judai aai phir wahi dard wahi pahlu-e-khali hoga ye to farmaiye kya hum mein rahega baqi dil agar dard-e-mohabbat se bhi khali hoga ek chullu se bhi kya 'yas' rahoge mahrum bazm-e-mai hai to koi sahab-e-dil bhi hoga