ab jashn-e-ashk ai shab-e-hijran karenge hum

ab jashn-e-ashk ai shab-e-hijran karenge hum
apni tabahiyon pe charaghan karenge hum
khud to kabhi na aaegi honton pe ab hansi
han dusron ke hansne ka saman karenge hum
kya thi khabar ki had se guzar jaega junun
hathon se apne chaak gireban karenge hum
phir jama-e-junun ki karenge rafugari
phir intizar-e-fasl-e-bahaaran karenge hum
'saghar' bahut guzari gunahon mein zindagi
ab kuchh na kuchh najat ka saman karenge hum
This is a great jashn e milad shayari. Please share if you liked this!!!