ab jo koi puchhe bhi to us se kya sharh-e-haalat karen

ab jo koi puchhe bhi to us se kya sharh-e-haalat karen
dil thahre to dard sunaen dard thame to baat karen
sham hui phir josh-e-qadah ne bazm-e-harifan raushan ki
ghar ko aag lagaen hum bhi raushan apni raat karen
qatl-e-dil-o-jaan apne sar hai apna lahu apni gardan pe
mohr-ba-lab baithe hain kis ka shikwa kis ke sath karen
hijr mein shab bhar dard-o-talab ke chand sitare sath rahe
subh ki virani mein yaro kaise basar auqat karen
This is a great josh wali shayari. Please share if you liked this!!!