ab TuTne hi wala hai tanhai ka hisar

ab tutne hi wala hai tanhai ka hisar
ek shakhs chikhta hai samundar ke aar-par
aankhon se rah nikli hai tahtush-shuur tak
rag rag mein rengta hai sulagta hua khumar
girte rahe nujum andhere ki zulf se
shab bhar rahin khamoshiyan sayon se ham-kanar
diwar o dar pe khushbu ke haale bikhar gae
tanhai ke farishton ne chumi qaba-e-yar
kab tak pade rahoge hawaon ke hath mein
kab tak chalega khokhle shabdon ka karobar
This is a great khamoshiyan shayari in urdu. True lovers of shayari wala video will love this. Please share if you liked this!!!