ahl-e-dil gar jahan se uthta hai ek jahan jism o jaan se uthta hai chalo ai ham-raho ghanimat hai jo qadam is jahan se uthta hai jama rakhte nahin, nahin malum kharch apna kahan se uthta hai gar naqab us ke munh se utthi nahin shor kyun karwan se uthta hai wae be-taqati o be-sabri parda jab darmiyan se uthta hai phir wahin gir pade hai parwana gar tuk ek shama-dan se uthta hai qissa-e-'mushafi' suna kar yar ishq is dastan se uthta hai