ai gham-e-hijr raat kitni hai

ai gham-e-hijr raat kitni hai
aur teri hayat kitni hai
sans par hai madar hasti ka
kaenat-e-hayat kitni hai
os ke motiyon se ye puchho
aabru-e-hayat kitni hai
puchhta hun kisi se apna pata
be-khabar meri zat kitni hai
kyun haram hi ke ho rahe waiz
wusat-e-kaenat kitni hai
dida-e-barhaman se dekh ai shaikh
azmat-e-somnat kitni hai
Please share if you liked this!!!