ai junun hote hain sahra par utare shahr se fasl-e-gul aai ki diwane sidhaare shahr se khub roe haal par apne watan ka sun ke haal koi ghurbat mein jo aa nikla hamare shahr se jaan dunga main asir ai dosto chupke raho zikr kya us ka ki diwana sudhaare shahr se mausam-e-gul mein raha zindan mein aur aai na maut samne hoti nahin hai aankh sare shahr se josh-e-wahshat mein jo li zindan se main ne rah-e-dasht kud-kan mujh ko khuda-hafiz pukare shahr se panw mein majnun ke to taqat nahin ai kudko mausam-e-gul ki hua tum ko ubhaare shahr se ek nazar lillah hum ko surat-e-zeba dikhao tishna-e-didar jate hain tumhaare shahr se dasht-gardi ki nahin diwane ko kuchh ehtiyaj jame se bahar jo hai bahar hai sare shahr se unt si lagti hai dil jangal se hota hai uchat sang-e-tiflan karte hain mujh ko ishaare shahr se lash-e-wahshat se nahin pahuncha main sahra tak hanuz jaane wale gor ke pahunche kinare shahr se mausam-e-gul aai niyyat ser diwanon ki ho mewa-e-sahrai par hain munh pasare shahr se ab to aazurda hai tu lekin malega hath phir jis ghadi 'atish' nikal jawega pyare shahr se