amn-o-sulh-o-ashti ho jaise bimari ka nam

amn-o-sulh-o-ashti ho jaise bimari ka nam
hai siyasat ahd-e-nau mein ek ayyari ka nam
in ka zahir aur baatin dekh kar aisa laga
parsai jaise ho shayad riya-kari ka nam
jo zamana saz hain, hain sab ke manzur-e-nazar
hai taghazzul mein tarannum aaj fankari ka nam
gardish-e-haalat se hai band jin ka natiqa
wo zaban-e-haal se lete hain bekari ka nam
hai girani ka wo aalam al-aman o al-hafiz
darte hain lete hue ab sab kharidari ka nam
shokhi-e-guftar mein kah jate hain wo kuchh se kuchh
dosti in ki nazar mein hai dil-azari ka nam
pur-masarrat zindagi hai aaj kal khwab-o-khayal
hai zaban par in dinon sab ki aza-dari ka nam
kya kushud-e-kar ki 'barqi' koi surat nahin
sab ke hai wird-e-zaban ab sirf dushwari ka nam
This is a great kashti shayari hindi. True lovers of bimari pe shayari will love this. For some people shayari is the most enjoyable thing in life and they absolutely adore siyasat pe shayari. Please share if you liked this!!!