ba-zahir to tanawar dikh rahe hain
magar ye ped sare khokhle hain

ye kis shama ki chahat mein patinge
barahna panw suraj par khade hain

ghazal kitni apahij ho gai hai
ghazal ke dast-o-bazu kah rahe hain

dararen jism ki khulne lagi hain
lahu ke qatre bar-amad hue hain

har ek jaanib hai tariki ka jangal
ujale rasta bhatke hue hain

'nawaz' us ki gali ke sare patthar
mujhe achchhi tarah pahchante hain