ba-zahir tujh se milne ka koi imkan nahin hai dilason se bahalta ye dil-e-nadan nahin hai chaman mein lakh bhi barse agar abr-e-bahaaran to nakhl-e-dil hara hone ka kuchh imkan nahin hai hawa-e-waqt ne jis basti-e-dil ko ujada hai use aabaad karna kaam kuchh aasan nahin hai wo ek diwar hai hail hamare darmiyan jo kisi rauzan ka us mein ab koi imkan nahin hai agarche kha gai dimak ghamon ki baam-o-dar ko magar tuti abhi tak ye fasil-e-jaan nahin hai tumhaari ruh 'bushra' qaid hai tan ke qafas mein ise aazad karna moajaza aasan nahin hai