baithe hain ab to hum bhi bologe tum na jab tak
dekhen to aap hum se na-khush rahenge kab tak

iqrar tha sahar ka aisa hua sabab kya
jo sham hone aai aur wo na aaya ab tak

mahfil mein gul-rukhon ke aaya jo wo pari-ru
ho shakl-e-hairat us ki surat rahe wo sab tak

bosa 'nazir' hum ko dene kaha tha us ne
hum waqt pa ke jis dam lene ki pahunche dhab tak

har chand tha nashe mein wo shokh to bhi us ne
hargiz hamare lab ko aane diya na lab tak