bujhte suraj ke sharare nur barsane lage

bujhte suraj ke sharare nur barsane lage
rafta rafta chand taron mein nazar aane lage
kar gaya bedar patthar ko fan-e-khara-tarash
kitne nadida sanam aankhon mein lahrane lage
mauj-e-bu-e-gul se bhadki hain dabi chingariyan
phir hawa ke sard jhonke jism jhulsane lage
kat ke rah jaegi aakhir qismat-e-gham ki lakir
tere zindani agar zanjir khadkane lage
sar pe suraj tha to naqsh-e-pa bhi raushan the 'samad'
dhup ke dhalte hi sae panw phailane lage
This is a great barsane wali shayari. Please share if you liked this!!!