chalo duniya se milna chhod denge
magar hum aaine se kya kahenge

chalenge raushni hogi jahan tak
phir is ke baad tujh se aa milenge

yahan kuchh bastiyan thin ab se pahle
mila koi to ye bhi puchh lenge

ye saya kab talak saya rahega
kahan tak ped suraj se ladenge

charagh is tirgi mein kab jalega
ye shahr aabaad hain par kab basenge

jo husn-e-kashmakash hai dar-tah-e-ab
subuk-saran-e-sahil se kahenge

jinhen 'sajid' gham-e-aindagan hai
surud-e-sham-e-rafta kya sunenge