dar-e-imkan se guzar kar sar-e-manzar aa kar hum ajab lahar mein hain apne nae ghar aa kar jise jaana hi nahin apne kinaron se juda use dekha bhi nahin mauj se bahar aa kar aatish-e-gham pe nazar ki hai kuchh aise ki ye aanch baat kar sakti hai ab mere barabar aa kar tu ne kis harf ke aahang mein dhaala tha mujhe sans bhi tut raha hai sar-e-mahzar aa kar use dekha tha khat-e-khwab ke us par kabhi ye sitara jo gira hai mere andar aa kar ek sada koh-e-nida se kisi apne ki sada rone lag jati hai is dasht mein aksar aa kar shakh-ta-shakh ajab aalam-e-wahshat hai abhi tair-e-jaan kabhi thahra tha mere ghar aa kar