dard thahre to zara dil se koi baat karen muntazir hain ki hum apne se mulaqat karen din to aawazon ke sahra mein guzara lekin ab hamein fikr ye hai khatm kahan raat karen meri taswir adhuri hai abhi kya malum kya meri shakl bigadte hue haalat karen aur ek taza taaruf ka bahana dhunden un se kuchh un ke hi bare mein sawalat karen aao do-chaar ghadi baith ke ek goshe mein kisi mauzua pe izhaar-e-khayalat karen