dekh na is tarah guzar arsa-e-chashm se mujhe
fursat-e-did ho na ho mohlat-e-khwab de mujhe

bas-ki guzishtani hai waqt bas-ki shikastani hai dil
khwab koi dikha ki jo yaad na aa sake mujhe

kham hi rakh ke pukhtagi shakl hai ek shikast ki
aatish-e-wasl ki jagah khak-e-firaq de mujhe

han ai ghubar-e-ashna main bhi tha ham-safar tera
pi gain manzilen tujhe kha gae raste mujhe

der se ro nahin saka dur hun so nahin saka
gham jo rula sake mujhe sam jo sula sake mujhe