dhup ke zard jaziron mein numu zinda hai

dhup ke zard jaziron mein numu zinda hai
rang-e-ashob fazaon mein lahu zinda hai
khwab dar khwab bas ek chikhte sahra ka sukut
aur aankhon mein wahi did ki khu zinda hai
shakh-e-mizhgan pe mahakne lage zakhmon ke gulab
pichhle mausam ki mulaqat ki bu zinda hai
mere saqi tere jaan-bakhsh labon ka hai ye faiz
dast-e-mai-kash mein abhi tak jo subu zinda hai
shal hua jata hai kyun hath mere qatil ka
zad pe khanjar ke abhi khushk gulu zinda hai
kapkapi fart-e-nadamat se hai maujon mein abhi
tishna-lab kaun sar-e-sahil-e-ju zinda hai
kitni jaan-soz hai is shahr-e-munafiq ki hawa
is pe 'shahid' mujhe hairat hai ki tu zinda hai
This is a great new shal shayari. True lovers of shahid kapoor shayari download will love this. For some people shayari is the most enjoyable thing in life and they absolutely adore munafiq dost shayari. Please share if you liked this!!!