dil jo tesha-zani pe mail hai

dil jo tesha-zani pe mail hai
kuchh na kuchh raste mein hail hai
tu jo hairat-zada nahin hota
tu meri guftugu ka qail hai
main musafir hun kohna rasmon ki
mere aage rah-e-qabail hai
kya sunaun main haal-e-dil ki ye dil
teri kaj-fahmiyon se ghayal hai
raqs karta hai harf harf mera
mere lahje mein kaun pail hai
mere pairon ko dasne wala sanp
meri gardan mein kyun hamail hai