dil ko bacha ke lae the sare jahan se hum
aakhir mein chot kha gae ek mehrban se hum

be-fikryon ka raj ho rassa-kashi ke sath
wo madrasa hayat ka laen kahan se hum

ab gard bhi hamari na paenge qafile
aage nikal gae hain bahut karwan se hum

apna shumar hi nahin phulon mein bagh ke
aise mein kya ummid karen baghban se hum

'jami' watan mein apne musafir thi zindagi
london mein bin-bulae hue mehman se hum