dil mein tere khayal ki khushbu hijr mein hai visal ki khushbu dil ke jazbe jawan rakhti hai tere husn-o-jamal ki khushbu kash tere jawab se aae mere har ek sawal ki khushbu kash tujh ko bhi ho kabhi mahsus mere na-gufta haal ki khushbu mujh ko apne zawal mein se bhi aa rahi hai kamal ki khushbu hum faqiron se dur rahti hai hashmat-o-jah-o-mal ki khushbu phul se aa rahi hai jo sab ko asl mein hai nihaal ki khushbu ek paude ke phul hain lekin hai juda dal dal ki khushbu hai 'munawar' tumhaare honton mein ek pari-rukh ke khal ki khushbu